منظومه شعرترکی ماحمد عمی(قسمت ششم )

نوشته : دکترسیدجلیل موسوی  «ساحر» متخصص بیماریهای عفونی از اورمیه

تدوین :دکتر رحمت سخنی از اورمیه

(66)

مال داوارین آخوروندا اوت علف

یییب ایچمک وسیله دی، نه هدف

لل مرجان قیمتلی دی نه صــدف

لل مرجان ندی سَنین جانوندی

صدف ندی ثَروتیندی مالوندی

(67)

انسانلاردا عقیل اولار هوش اولار

مال ثَروت اوز یرنده خوش اولار

هَدَف اولسا صَدَف ایچی بوش اولار⁷⁸

دنیا مالــــــــی بو دنیادا قالاجاق

دوز مینمَسَن ایشک سنی سالاجاق

(68)

دنیاسَنین ایشگیندی آتینـــــتدی

سوت ساغماغاداواریندی مالیندی

گول اکمگه بوستانیندی باغینـدی

جلووُرسان یولدان چخساساخلارسان

بندین چکوب اوزیرنده باغلارسان ⁷⁹

(69)

ماحمدعمی یامان یاخشی گچجک

قوجا جوان اَندی یتــــوب اُولجک

انسانلارین عمری باشایتجــــــک

یاخشی لارا رحمت دییوب آغلال لار

یامانلاری لعنتَیله داغـــــــــــلال لار

(70)

زندگیده آلچاق اوجا چـــوخ اولار

چچیک اوشاخ گاه یخیلار گاه دورار

یخلاندا الین آتوب دایانــــــــــار

بیر اوشاقیق بیزده بوردا اینانین

یخیلاندا محکم ییره دایانیـــن

(71)

ماحمدعمی یولدا شیمیز غم اٌولوب

گوز یاشیلان یان یُوره میزنم اٌولوب

نازک سَسیم آغلاماقدان بم اَولوب

گویده بیزدَن رحمتینی کسوبدی

یِره دِیوب یِرده بیزدَن کوسوبدی

(72)

فرهاد80 کیمین داغی داشی قازارام

ایشیقلقا بوردان بیر یول آچــــارام

شیرینمی⁸¹ آختارارام تاپــــــارام

شیرین بیزی هِجر اودونا یاندیروب

عشقین یولون فرهادینا قاندیــروب

(73)

حق دیَیَرم حق یولونو سـُوَرَم

حلاج⁸² کیمی داد باشنا گیدَرَم

دار باشندا هارایلارام دیَیَـــرم

آی انسانلار حق ایستیر سیز بوردادی

ناحق اُونی چکوب وُروب دار دادی

(74)

سوزی بوردا ختم ایلَسَک خوش اولار

عاقل قاناربی عاقل لار بـــــوش اولار

قوجا⁸³ نه‏نه‏م درد الیندن بـــاش یولار

حق سیزلری غم غصَده قوتارسین

بو سوزلری یِل هَر یره آپارسیــن

(75)

من " ساحرم" ⁸⁴ درد غمه یانموشام

یاخشی یامان تَکلیفیمی قانموشـــام

ایشله‏لیَم ایشلَیه سوز یازموشـــــام

اورمیه دَن85 سلامیم وار سیزلره

آُمودم واریاش گلمیه گوزلره ⁸⁶