منظومه شعر ترکی ماحمدعمی(قسمت پنجم )

نوشته : دکترسیدجلیل موسوی  «ساحر» متخصص بیماریهای عفونی از اورمیه

تدوین :دکتر رحمت سخنی از اورمیه

(51)

هدایت خان⁵⁷ چوخ بیر گوزل کشیدی

شهرلره گیدمک اونون ایشیـــــــــدی

سوزدینده شاق اوتوروب شیشیـــــدی

ٌاولدی گیدی آلّاه اونا رحمت اید

ماحمدعمی اهل ایالین حرمت اید

(52)

الی آغا⁵⁸ بیزده شامین یینـــده

سید سوزون قوماشدیریب دینده

منده هَردَن پقیلدیب گولنــــده

آنا جانیم منه باخوب میساردی

دیشلرینی بیر بیرینه قیســاردی

(53)

محبوب دایی ⁵⁹ مستاجردی تهراندا

اسماعیلدا ⁶⁰ بیر ایوتوتوب اویانــدا

مَش قدرت ⁶¹ ایشسیزقالوب هایانـدا

مستاجرلیق مصیبتدی بــلادی

ایثسیزقالان بوش جینبنی یالادی

(54)

جوانلاردا سربازلیقدان قایدوب

آنالارین اورکلری ســــوونوب

قربانلاردا خردا بویوک کسولوب

اسیرلرده قوتولسالاخوش اولار⁶²

زندانلاردا انسانلاردان بوش اولار

(55)

ماحمدعمی  مَشه نه نه م⁶³ هاردادای؟

اٌولوب گیدیب امّا روحی بــــوردادای

اٌولمویونجه ایشلاماقدان دویمـــــادی

یوخسول لارین قول لاریندان توتاردی

مظلوملارین دادلارینا چاتــــــــاردی

(56)

ماحمدعمی حاجی حبیب ⁵⁴ اولوبــدی

شیخ ابیده⁶⁵ اوندان سورا گیدوبــــــدی

مَشه مُرسَل⁶⁶ داها ایشدن دوشوبـــــدی

بو اوچ نفر ییر مسجدین میخلاری

نماز قیلان اوروج توتان شیخـلاری

(57)

گوزه⁶⁷ سویی پقیلدیوب چخاندا

جوان اوغلان جوان قیزا باخانــدا

بیر بیرینه آلما هیواسیخانــــــدا

محبتین چشمه لری جوشاردی

ایکی اٌورک بیربیرینی توتـــــارد

(58)

کدطوی لارین⁶⁸ باغ باغچا توتاندا

بگ الینه حنا پلته یاخانـــــــــدا

عاشق حسن ⁶⁹ساز قُوالین چالاندا

دیوب گولمک کند ایچینی توتاردی

زرنگ اولان یمشلردن قاپــــاردی⁷⁰

(59)

ماحمدعمی حق باطلین داواسی⁷¹

جابر⁷² اولدی دین یولونون فداسی

خالالارین⁷³ شهید اولوب بالاسی

بیزده گرک حرمتلرین ساخلویـــاق

قالانلارین هَردَن گیدیک یوخلویاق

(60)

سوب اولمامش سید⁷⁴ گیدر ایشنه

آخشام اولجاق یورقون گلر ایوینـه

میوه لری گاهدان توتار دیشنــــه

اونون ایشی گیدوب گلمک اولوبدی

گیدوب گلمک اونی قچدان سالوبدی

(61)

بی بی جانین ⁷⁵ قولی قچی ششبــدی

قوجالوبدی داها ایشدن دوشوبـــــدی

چِچِک اوغلون⁷⁶ دین یولوندا ویروبدی

بیزده اوندان خجالتیک تانیشلار

گیدنمیریک گورنمیریک باغشلار

(62)

بیزیم فامیل یر اوزونی توتوبدی

بیربیریندن قیریلبدی قوپوبــدی

اَلدن توتماق ایشلرینده دُونوبدی

بیربیرینین باشلاریندن با سیل‏لار

یالقوز قُوت تک تکجلقده یاشیل لار⁷⁷

(63)

ماحمدعمی بوجور طایفا داغلسین

قوی قیریلسین تازَدَننن ساخلسیـن

باشا گلن عشق الیله یازلسیـــــن

محبتین چراغلارین یاندرین

آنلامیان آداملاری قاندیریـن

(64)

بو دنیانین مهر وفاسی یوخـــدی

بو دنیانین درد بلاسی چوخــدی

کمین توتوب کمانچاسیندا اوخدی

اورک لری نشان توتوب کمانا

هی چکیری اوخی وُورور نشان

(65)

یریوزونی توتوب آلّاه نشانـــــی

فرشته سی جِنی انسی مرجانــــی

یوخلویوبسان قشقیر یرسان بس هانی !

آچ گوزوی دقتیله باخگنــــان

ساغ سولوندا نشانلارین تابگنان