منظومه شعر ترکی ماحمد عمی(قسمت چهارم )

نوشته : دکترسیدجلیل موسوی  «ساحر»  متخصص بیماریهای عفونی از اورمیه

تدوین :دکتر رحمت سخنی از اورمیه 

(36)

ماحمدعمی شاخثیه واخثه⁴⁴ ووراردوخ

جوانلارین قاپولارین چــــــــالاردوخ

دام دوواردان قوزاناردوخ چخـــار دوخ

هی دیردیک خراب اولسون دینانی

مظلوم اولن حسین(4 )آدین قربانــی

(37)

قاریاغمشدی زوومک سالیب زووردیک

اوشاقلاری بیر قاتارا دوزردیــــــــک

گاهدان گاها مسابقه ویرردیـــــــــک

سویخ ووروب ال لریمز دوناردی

بورون قولاخ قیزاراردی یانـاردی

(38)

ماحمدعمی شاه⁴⁵ سونلر گلنـــده

کند ایچیننن های کویونن گچنــده

گوچلرین چکوب سوروب گیدنده

دَوَلرین یـــــــــون لرینن آلاردوخ

سونجوخلویوب ایوه طرف قاچاردوخ

(39)

ماحمدعمی گردکانی چالانـــــدا

گویدن یره گوز آلتیننان باخانـــدا

گردکانلار یره دوشوب سینانـــدا

بوتاخ اوسته خوفلاناردیم قورخاردیم

یاحق دیوب بل آلاها باغلاردیــــــم⁴⁶

(40)

ماحمدعمی پاییزیلــــی اسنده

آرمودلاردا سیلک لنوب دوشنده

قوش قجله ساریلارین یینــــده

قاپپ قابی باغ اوزونی قاچاردیم

آرمودلارین دیبلرینی یخاردیــم⁴⁷

(41)

گجه چخوب اولدوزلاری سایاردیم

داما چخوب حسرتیله باخاردیــــم

اوز بختیمی آختاراردیم تاپاردیـــم⁴⁸

آنام چخوب چاغیراردی آشـــاغی

یوخلاداردی خوش سسیله اوشاغی

(42)

یای اولموشدی بی بی جانیم⁴⁹ گلردی

بیز گورمین بال کره دن ییــــــــردی

سوزدیمَمش آچوخ ایدیب کوســـردی

قوناقدی احترامیـــن توتاردوخ

یاسدیخلاری تیز دالاناریغاردوخ

(43)

اوشاقلیقداقاپ باجانـی یخاردیم

کیف کتابی بیر بوجاقاسیخاردیم⁵⁰

بلّه آلوب اویناماقاچخاردیــــم

اوشاقلوقن صفاسی وار دادی وار

کوتکی وار قاشماقی وار نازی وار

(44)

آی اولاردی بیرده اوشــــاق اولاردوخ

او دورانی بیرده تَـــــز دن سووار دوخ

آغاجدان⁵¹ آت مینوب چوله قووار دوخ

امّا حیف کچن گونلر قیدمتـــز

اُولوب گیدن بیرده تَزدَن دیرلمز

(45)

ماحمدعمی قرآن بیزدَن اوزاخدی

هَر گون شاما شیطان بیزه قوناخدی

غیبت ایدمّک هَر صحبتدن قاباخدی

آلّاه سوزی مسجدلرده دیلمــور

پیس آدامین ریشه سیده اوزولمور

(46)

ماحمدعمی سوزلریمز یالانــــدی

صداقتین کاسالاری جالانــــــدی

شیر تولکی کولگسینده دا لدالاندی

گلین بیزده تولکی‏لری اولدورک

ظالم لرین چراخلارین سوندورک

(47)

بیرلیک اولسا دشمن بیزه باتانماز

اجنبی‏لر صفیمیزی قاتانمــــــاز

مالمیزی جانمیزی آلانمــــــــاز

بیرلیک ایدین آیرلقی تک قویون

خائن لرین توتون دریسین سویون

(48)

ماحمدعمی هجر اودونایانمیشیــــق

اصلیمیزی کوکیمزی دانمیشیـــــــق

زهری ایچوب مزه سینی قانمیشیـــق

امّا گنه کورتوتدوغون⁵² بوراخماز

آدت ایدن آدتیندن چخانمـــــــاز⁵³

(49)

ماحمدعمی کرمه ⁵⁴ لری کسرسن؟

چخاردارسان قاپ باجیا سررسن؟

قورویاندا قالا⁵⁵ خلاری دوزرسن!

یا که گنه طوله دولوب توتولوب

رحم انصاف اورک لردن قوتولوب

(50)

جاب بار عمی⁵⁶ بیزیم ایلین گولودی

ایل طایفانین اورگیدی دیلیــــــــدی

مظلوملارین دایاقدی بلیـــــــــدی

اونون عشقی اورگیمده یرسالوب

نصیحتی یاخشی یادیمدا قالوب